Cakepan Ladrang Wirangrong

 A

Kaki cantrik manthuk-manthuk

Mundhi sabdane sang Resi

Umiring lampah sang retna

Pregiwa lan pregiwati

Ya ta dhawuhe sang wiku

Cantrik sira aja sisib

Sun pundhut upatanira

Ki Janaloka nanggapi

Sang wiku pupundhen ulun

Lamun kula wani sisib

Anjajamah ingkang wayah

Tinungkepa bumi langit

Yen kula salit kalangkung

Sampun ngantos angsal warih

Yen leren ngandhaping gurda

Kadhawahan pang sayekti

Benjang kula tekeng lampus

Rinanjab jinuwing juwing

Sang wiku lon sabdanira

Iya cantrik dak sekseni

B

Wong pradesan tansah gumun

Mulad slagane sang cantrik

Wirangrong wayang wuyungan

Gedheg gedheg trus gadhog 

kitrang kitrang anjetung 

andeleming lir kunjana

E tobil..bil, wong ayu tolehen aku 

Dhuh dewa..wa, angayomana tindaku