Lirik Ladrang Ondhe Ondhe-Ki Nartosabdo

Cahyane gumilang giwange abang

Gegelunge malang cecundhuk kembang

Katon kledhang kledhang terus sumandhing

amasrahake jiwa ragane

ondhe ondhe tiba ing tambir

gelung kondhe gawe kuwatir

ondhe ondhe tiba ing tampah

teka mrene lingguh ing jlambrah

amung kowe pepujanku

aja lelewa wong ayu

yen awan lali mangan

yen bengi tan kober turu

ondhe ondhe di seleh piring

gelung kondhe sing lencir kuning

ondhe ondhe diseleh panci

pancen suwe aku ngenteni

nanging mung tansah cidra

janji janjine sulaya

balung janur upamane

mung kowe kang weh usada

ondhe ondhe tiba neng sumur

gelung kondhe mung gawe kuwur

ondhe ondhe tiba neng wajan

jebul koe kang pantes dandan

bengesan lan pupuran

nyangking cangklong isi degan

degan kambil ijo

aku dandan ora kanggo